明愛醫院俾人話見死不救，無人性。詢問處o個位女職員更加係萬箭穿心。

其實佢無論call 唔 call 急症室叫人幫忙，結果都係會俾人「省」。

唔 call

好似依家咁，間接令病人延醫，不但令明愛醫院名揚四方，自己仲要俾全港市民話冷血。

call

1) 如果佢即刻打電話叫急症室推張牀或輪椅出去門口接個病人，根據目前香港o既辦公室政治，佢肯定會被某些同事「問候」。就好似一間公司，A部門要叫B部門做事，基本上要睇唔少面色。o係呢個氛圍下，按本子辦事o係打工o既生存之道。

2) 再者，如果佢打o左去急症室，而急症室又肯派人幫手，萬一途中有乜閃失，佢都係要上身。

好人難做 

表面上，醫院應該係一個以人為本o既地方，但係內裏也離不開一般的公司文化。不過當遇上了這些突如其來的事，職員點都係 call 急症室喇。call o左，雖然唔會有人表揚，更加可能會被同事「省」，但最多都係唱你幾個月；依家唔 call，出事咪又係自己食番。